Sjey neyðhjálparfólk dripin í loftálopi í Gasageiranum

Tey sjey neyðhjálparfólkini frá World Central Kitcehn (WCK) koyrdu í tveimum stálstyrkum akførum við búmerkinum hjá WCK á og so í einum vanligum bili eisini, tá tey vóru dripin í einum loftálopi í býnum Deir al Balah í Gasageiranum.

Tað skrivar neyðhjálparfelagsskapurin World Central Kitchen á síni heimasíðu. 

World Central Kitchen, Ísrael, Gasa

Fylgið varð rakt júst sum tað, í samráði við ísraelska herin, hevði samskipað, at 100 tons av neyðhjálp vóru flutt sjóvegis til Gasa. 

Hildið verður, at Ísrael stóð aftanfyri álopið.

World Central Kitchen, Ísrael, Gasa

Tey dripnu neyðhjálparfólkini komu úr Avstralia, Póllandi, Bretlandi, USA, Kanada og Palestina, skrivar WCK. 

Felagsskapurin hevur sett ein steðg fyri øllum virksemi í Gasageiranum.

World Central Kitchen, Ísrael, Gasa

Avstralski forsætisráðharrin, Anthony Albanese, bæði váttar, at ein avstralskur statsborgari var millum tey dripnu, men hann fordømir eisini álopið. 

"Vit vilja hava, at tað verður álagt ein ábyrgd fyri hetta, tí hetta er nakað, ið ongantíð skuldi verið hent," staðfestir avstralski forsætisráðharrin. 

Hann segði eisini, at hann hevði verið í sambandi við ísraelsku stjórnina og ísraelska sendifólkið í Avstralia fyri at finna út av, hvar ábyrgdin liggur. 

Avstralska neyðhjálparfólkið, ið lat lív, var Zomi Frankcom. Zomi legði hetta videobrotið út á Twitter-vanga hjá World Central Kitchen 25. mars av neyðhjálpararbeiðinum í Deir al-Balah. 

WCK’s Zomi & Chef Oli are in our new Deir al-Balah kitchen where our team is cooking thousands of portions of rice with beef & vegetable stew today. We’re expanding this space so we can increase the amount of meals we produce for families in central Gaza daily. #ChefsForThePeople pic.twitter.com/dSO7GrJSOv

— World Central Kitchen (@WCKitchen) March 25, 2024

"Tað kann undir ongum umstøðum góðtakast, at fólk sum Zomi Frankcom, ið sjálvboðið hjálpa fólki, sum mangla mat í Gasa, skulu fáa eina sovorðna lagnu," staðfesti avstralski forsætisráðharrin, Anthony Albanese. 

World Central Kitchen, Ísrael, Gasa