Bilasølurnar ynskja sær stabilari karmar

1. apríl í ár vórðu avgjøldini á el-bilum aftur broytt, sum so ofta áður.
Tað, sum hendi hesaferð var, at eitt skrásetingargjald varð lagt á el-bilarnar, sum annars hava verið frítiknir. Tað gjaldið merkir, at tað sum innkeypsprísurin fer upp um 200.000 krónur, verða skattað við 45 prosentum sum eitt skrásetingargjald.
Tað merkir so, at bíligu bilarnir fáa lægst avgjald, meðan tað kann gerast rættiliga høgt fyri dýru bilarnar og kann dýrka bilin frá millum 20 túsund til upp í nakrar 100 túsund krónur.
Og hetta ávirkaði søluna av el-bilum áðrenn og aftaná 1. apríl, sigur Ásfinnur Sigvardsen, formaður í Bilasølufelagnum.