Nøkur hava brúkiligt fiskarí

Bara garnaskipini og trolbátarnir hava brúkiligt fiskarí í føroyskum sjógvi, sambært Fiskamarknaðinum.

Allir trolbátarnir eru norðanfyri og fiska tosk og nakað av hýsu og flatfiski. 

Tvey garnaskip fiska svartkalva og tvey fiska havtasku. 

Annað ísfiskalínuskipið er úti.  

Eitt frystilínuskip er við Føroyar, fýra eru við Grønland, og eitt er á Flemish Kap, og eitt er ávegis hagar.

Um útróður verður sagt, at streymurin verður harður, men veðrið verður gott í vikuni, so Fiskamarknaðurin væntar nakað av útróðri. 

Tveir djúpvatnstrolarar fiska svartkalva, og ein frystitrolari er við Flemish Kap. 

Fimm pør fiska upsa og annan hvítfisk, og tvey pør fiska gulllaks. 

Tey hava hampiligt fiskarí.