Børn fáa neyvan pengar við sær

Heldur ikki hesa ferð tekur samgongan undir við uppskotinum um, at kommunurnar kunnu rinda foreldrum part av tí, sum stovnspláss kostar, um tey ansa egnum børnum heima. 

Stutt sagt, pengarnir skulu fylgja barninum.

Fólkaflokkurin eigur uppskotið.

Samgongan heldur, at nú er barsilsskipanin vorðin so góð - og hon verður betri - at hon kann gera viðurskiftini hjá barnafamiljum betri.

Mentanarnevndin hevur skrivað álit um uppskotið.

Nevndarlimirnir hjá Sambandsflokkinum og Fólkaflokkinum mæla løgtinginum til at samtykkja uppskotið.