Flestu føroyingar taka undir við NATO

Flestu føroyingar eru fyri NATO. Tó er ikki so stór undirtøka fyri at hava NATO-venjingar í Føroyum. 

Tað vísir nýggj hugburðskanning um uttanríkis- og trygdarpolitikk, sum var løgd fram fyrrapartin.

Svarini eru samanborin við líknandi kanning frá desember 2021 - beint fyri russisku innrásina í Ukraina.

700 føroyingar hava svarað hugburðskanningini, sum Lóður hevur staðið fyri.

Hoyr innslag í útvarpstíðindunum:

Hugburðskanning um NATO og Ukraina

Heini í Skorini, ph.d. og lektari í altjóða politikki, legði nýggju hugburðskanningina fram. Hinir á myndini eru íslendski granskarin í altjóða politikki við Háskóla Íslands, Tómas Joensen, og Gu:nter Krings, sum hevur sitið í týska samveldistinginum í 20 ár fyri flokkin CDU.