Fleiri leiðir til bátar við vinnuligum hummaraloyvi

Leiðirnar norðan fyri Streymin og í Hvannasundi koma nú eisini á listan yvir hummaraøki, har bara bátar við vinnuligum hummaraloyvi sleppa at royna.

Frammanundan var henda regla galdandi fyri hummaraøkini sunnan fyri Streymin í Sundalagnum, á Kollafirði, á Skálafirði, á Kaldbaksfirði, á Tangafirði og á Funningsfirði.

Endamálið við broytingini er at stuðla undir skipaðan og burðardyggan fiskiskap eftir hummara.

Dennis Holm, landsstýrismaður í fiskivinnumálum, hevur lýst kunngerð um fiskiskap eftir hummara til húsbrúks.

Eftir kunngerðini, sum kom í 2022, er avmarkað hummaraveiða til húsbrúks loyvd á ávísum hummaraøkjum, eisini við bátum, sum ikki hava vinnuligt hummaraloyvi ella annað fiskiloyvi.

Økini vóru í fyrstu atløgu sett eftir, um vinnulig veiða hevði verið har undanfarnu árini. 

Broytingarnar í kunngerðini um fiskiskap eftir hummara til húsbrúks kunnu lesast her.