Miriam & Janus: Tað snýr seg um álit

Í dag letur myndaframsýning upp í hølunum hjá Myndaboks í miðbýnum í Havn.

Henda myndasýning er heldur øðrvísi enn aðrar, tí hetta eru myndir, sum eru tiknar í Føroyum av meira og minni naknum føroyskum kvinnum. 

Tað eru hjúnini Gvøðny Miriam og Janus Gunnarsson, ið eru Miriam & Janus fotografar, sum hava tikið myndirnar. Og tey reka eisini Myndaboks og standa fyri framsýningini. 

"Mær dámar best, at eg kenni kvinnurnar, ið eg spyrji um at vera modell til nektarmyndir," sigur Gvøðny Miriam Gunnarsson, myndakvinna. 

"Men tað eru eisini nógvar kvinnur, ið sjálvar skriva til mín, tí tær halda at nektarmyndirnar, ið eg taki, eru flottar," leggur hon afturat. 

Miriam & Janus Photography, Janus Gunnarsson, Gvøðny Miriam Gunnarsson

Mynd: Bárður Lydersen

Gvøðny Miriam og Janus Gunnarsson brúka nógva orku at hava øll viðurskiftini í lagi, áðrenn tey taka myndirnar. 

"Eg tosi nógv við kvinnurnar, bæði undan og á veg til myndatøkuna, so tað ikki er nakar ivi um, hvat tær hava sagt ja til," greiðir Gvøðny Miriam Gunnarsson frá. 

"Vit fáa eisini undirskrivað samtykki frá kvinnunum til at brúka myndirnar," leggur Janus Gunnarsson afturat. 

Hoyr alla samrøðuna við Gvøðny Miriam og Janus Gunnarsson: