Amerikanski uttanríkisráðharrin aftur til Miðeysturs

Amerikanski uttanríkisráðharrin Antony Blinken fer í hesi vikuni á vitjan í Miðeystri. 

Hann skal m.a. arbeiða fyri at fáa undirtøku fyri uppskotinum hjá Joe Biden um vápnahvíld millum Hamas og Ísrael.

Talsfólk fyri Hamas, Samu Abu Zuhri, sigur við Reuters-tíðindastovuna, at Hamas er sinnað at taka undir við øllum átøkum, sum kunnu tryggja, at kríggið endar.

Zuhri heitir á USA um at leggja størri trýst á Ísrael fyri at enda kríggið. 

Hamas hevur áður sagt, at eingin avtala verður góðkend, uttan at trygd er fyri varandi vápnahvíld, og at Ísrael tekur allar sínar deildir úr Gasageiranum, skrivar NRK.