Tey rógva aftur í Hvalba

Í meir enn 20 ár hevur eingin kappróður verið í Hvalba.

Nú hava tey kortini mannað fimmmannafarið Snæbjørn, sum er við í genturóðrinum 14-16 ár.

 - Tað hevur nógv at siga at hava eina manning úr Hvalba, segði Rúni Thomsen, sum er skrivari í Hvalbiar Sóknar Kappróðrarfelag.

Genturnar á Snæbirni endaðu aftast á norðoystevnu, og tað gjørdu tær eisini í Kollafirði, men tíðin var munandi betri. Tær róðu umleið hálvan minutt skjótari í sundalagsstevnu.