Silver Pearl fekk 'blackout'

Silver Pearl fekk 'blackout'
Farmaskipið Silver Pearl, sum hevur heimstað í Havn, rendi á bryggjuna í Måløy í Norra í gjár
Silver Pearl
 
23.06.2024 - 11:21

Norskir miðlar skriva, at skipið fekk eitt sokallað 'blackout'.

- Tá ið skipið fór frá kaj og skuldi fara suðureftir, sær út til, at tað missur alla motororkuna og møguleikan at stýra, tað fær eitt sokallað 'blackout', sigur Morten Andreas Hagen, átaksleiðari í Vestara løgregludømi í Måløy, til NRK.

Bæði skip og bryggja fingu nakað av skaða. Skipið lekur tó ikki.

Átaksleiðarin sigur við NRK, at tað vísti seg, at skipið gjørdi eina umstýring.

- Skipið rendi á kajuna í tveimum støðum, heilt stutt ímillum, sigur átaksleiðarin.

Nú skal finnast út av, um tað vóru menniskjansligar ella tekniskar orsøkir til, at skipið fekk 'blackout'. Sjóvinnustýrið hevur fingið boðini og Veritas skal helst eisini kanna, hvat hendi.

Politiið kannar eisini málið og avhoyrir nakrar av manningini fyri at kanna, um aðrar orsøkir kunnu vera til óhappið.

Er kopiera
Nýggjastu sendingar í ÚV
Nýggjastu sendingar í SV
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486