Fjarðastevna: Drekin, Fípan Fagra ella Geytin

Fípan Fagra var skjótast í trídystinum ímóti Drekanum og Geytanum á fjarðastevnu síðsta vikuskiftið.

Kappingin hevur verið hørð millum Havnina, Klaksvík og Gøtu hjá 5-mannaførum við dreingjum 17-18 ár higartil í ár, men Drekin, sum vann tríggjar teir fyrstu FM-róðrarnar, mátti taka til takkar við 2. plássi í Vestmanna.

 - Alt sat í dag, segði ovurfegna róðurskvinnan, Marið Heimustovu.

 - Til aðrar stevnur hevur altíð verið okkurt, sum ikki hevur sitið, men í dag riggaði alt, og tað sást, segði hon. 

 - Hetta var ein so søtur sigur. Hetta kom væl við, segði róðurskvinnan hjá Fípuni Føgru.