Aftur Champions League við Djúpumýru

Í fjør spældi KÍ seg allan vegin í søguligt Conference League-bólkaspæl. Mikukvøldið fara klaksvíkingar undir nýggja evropeiska roynd.

Um tað aftur verður talan um ævintýr, fer tíðin at vísa, men KÍ-miðvallarin Árni Frederiksberg vil heldur hyggja fram- enn afturum seg. 

 - Í fjør verður verandi í fjør, og tað fært tú ikki brúkt til so nógv beint nú. Tað var øgiliga stuttligt, men nú er ein nýggjum dystur, og um mann hongur seg í tann partin, so verða tað neyvan tey røttu prosentini, sum verða leveraði her, segði miðvallarin við Dag og Viku týskvøldið.

 - Fyri meg er talvan rein, og nú skal mann til at skapa einaferð enn.

Kringvarp Førpoya vísir dystin millum KÍ og Differdange beinleiðis í sjónvarpinum klokkan 18:50.