Veiðigjald hækkar góðan triðing

Veiðigjaldið fyri sild hækkar 31 oyru 1. august.

Tað fer úr 87 oyrum fyri kilo upp í 1,18 kr.

Fíggjarmálaráðið hevur kunngjørt veiðigjøldini fyri uppsjóvarfisk frá 1. august í ár til 31. juli næsta ár.

Veiðigjøldini fyri makrel og svartkjaft eru óbroytt, ávikavist 1,45 kr. og 40 oyru.

Veiðigjaldið er fyri hvørt fiskað kilo í rundari vekt.

Veiðigjaldið fer í landskassan.