Nú er skotið ígjøgnum til Fámjins

Nú er skotið ígjøgnum til Fámjins.

Fyri løtu síðani var seinasta skotið latið av í Fámjinstunlinum. 

89 ár gamli Svend Joensen, sum elsti maður í Fámjin, trýsti á knøttin fyri at skjóta seinasta skotið.

- Hetta er ein stórur dagur fyri Fámjin, sigur Svend Joensen:

 

 

Nógvir trupulleikar

Fyrsta skotið í bergholinum var 16. november í 2022, men nógvir trupulleikar hava verið við arbeiðnum,  sum er nógv seinkað, tí tilfarið í fjallinum er so vánaligt.

Hevði alt gingið sum ætlað, hevði longu verið koyrandi í bergholinum, men nú verður tað ikki fyrr enn í apríl næsta ár. Bergholið er 1200 metrar.

Men fámjingar fegnast um, at tað nú er skotið ígjøgnum.

Annika Repond Sørensen hitti Andrias Sundberg og Mariu Joensen:

 

 

 

Myndir: Mathias Dimon Næs

 

Elsti maður í Fámjin, Svend Joensen, riggar til at skjóta seinasta skotið.