Pelagos í Fuglafirði manglar makrel

Jóhan Páll Joensen, stjóri í Pelagos, fegnast um, at makrelfiskiskapurin er byrjaður aftur, hóast makrelurin, sum higartil er komin upp á land, ikki hevur verið so góður.

Í næstum fara føroysku skipini eisini í norskan sjógv at fiska makrel.

Og nú Pelagos ikki hevur fingið so nógvan fisk higartil í ár, hevur tað týdning fyri fyritøkuna at fáa part av veiðuni hjá føroysku skipunum í norskum sjógvi.

Pelagos, makrelur

Avtalan við Noreg um makrel sigur, at allur makrelurin, sum føroysk skip fiska í norskum sjógvi, skal seljast gjøgnum ella við góðkenning frá Norges Sildesalgslag, sum er norska uppboðssølan.

35.000 tons í norskum sjógvi

Føroyar sleppa at fiska 35.191 tons, 40 prosent, av føroysku makrelkvotuni í ár í norskum sjógvi. 

Norsku skipini byrjaðu tríggjar vikur fyrr í ár enn í fjør at fiska makrel. Og fiskiskapurin hjá teimum er góður.

Makrelurin er millum 420 til 470 gramm.

Skipini fáa 9,92 kr. í okkara pengum fyri kilo av feskum makreli.

Pelagos í Fuglafirði