- Tíðindi, mentan og ítróttur
Jónleif verður stjóri á Skúlatrøð
![](https://kvf.fo/sites/default/files/styles/grein-ovasta-mynd/public/jonleif_johannesen_0.jpg?itok=heYo3HgQ)
Jónleif Johannesen er 46 ára gamal. Hann tók læraraprógv í 2004, hevur diplomútbúgving í námsfrøðiligari leiðslu og ein part av leiðsluútbúgving á masterstøði innan námsfrøðiliga leiðslu, umframt longri skeið í leiðslumenning.
Hann hevur starvast sum lærari og AKT - lærari í Føroyum, og hevur bæði verið nevndarlimur í Føroya Lærarafelag og formaður í Skúlaleiðarafelagnum. Harumframt hevur hann verið fyrstilærari í Skúlanum á Fossánesi og varaskúlastjóri í Runavíkar Kommunuskúla.
Seinasta hálva árið hevur hann arbeitt sum fulltrúi á fólkaskúlaøkinum í Undirvísingarstýrinum, har hansara arbeiðsøki m.a. hevur verið at skipa undirvísing í føroyskum sum annaðmál.
Jónleif Johannesen tekur við starvinum sum skúlastjóri í skúlanum á Skúlatrøð 1. september.