- Tíðindi, mentan og ítróttur
Nýggi Finnur Fríði á veg til Føroya
Nýggi Finnur Fríði á veg til Føroya
Uppsjóvarskipið er bygt á Karstens skipasmiðjuni í Skagen
![](https://kvf.fo/sites/default/files/styles/grein-ovasta-mynd/public/finnur_fridi_1_0.jpg?itok=VgTf1BnW)
Nýggi Finnur Fríði kostar 350 mió. kr.
Mynd: Bandholm skibsbilleder
21.08.2024 - 13:31
Nýggja uppsjóvarskipið hjá Varðanum í Gøtu er nú liðugt og verður væntandi í Føroyum um vikuskiftið.
Tað skrivar Portal.fo
Nýggi Finnur Fríði er bygdur á Karstensens skipasmiðjuni í Skagen í Danmark.
Skipið er nakað seinkað, men nú eru seinastu snøklarnir komnir upp á pláss, og eftir ætlan verður skipið í Føroyum antin leygardagin ella sunnudagin.
350 mió. kr.
Sambært Portalinum kostar nýggi Finnur Fríði umleið 350 milliónir krónur.
Reiðaríið Varðin í Gøtu ætlaði at selja gamla Finn Fríða, nú nýggja skipið er klárt at taka í nýtslu.
Men í vár fekk reiðaríið eitt gott tilboð upp á Trónd í Gøtu, sum tá varð seldur til Noregs fyri 200 milliónir krónur.
Tá broytti gamli Finnur Fríði navn og eitur nú Tróndur í Gøtu.
Nýggjastu sendingar í ÚV
Nýggjastu sendingar í SV