Framvegis lítið av makreli at fáa

Framvegis er lítið at fáa av makreli, bæði í føroyskum sjógvi, altjóða sjógvi og í norskum sjógvi.

Áhugin at fara í norskan sjógv vaks brádliga fríggjadagin.

12 føroysk skip kunnu vera har í senn. 12 skip fingu tilsøgn at fara í norskan sjógv.

Okkurt fór tó ikki.

Sambært yvirlitinum hjá Norges sildesalgslag selur Fagraberg 250 tons í dag, Gamli Jupiter 160 tons, og Pelagos í Fuglafirði hevur keypt 445 tons frá Arctic Voyager.

Fríggjadagin seldi Gøtunes 100 tons til Varðan Pelagic.

Gøtunes er á Tvøroyri í dag. 

Avtalan um makrelin, sum Føroyar hava gjørt við Noreg og Bretland, sigur, at makrelur, sum føroysk skip fiska í norskum sjógvi, skal seljast gjøgnum ella við góðkenning frá Norges sildesalgslag.