Minni oljunýtsla og betri góðska

- Skipið hevur roynst væl á royndartúrum og á heimferð, sigur Andri Hansen, skipari.

Leygardagin var stór móttøka fyri Finni Fríða í Norðragøtu, tá ið fleiri túsund fólk vóru umborð.  

Finnur Fríði er 88 metrar langur og knapt 17 metrar breiður.

Stásiliga skipið, sum kostar 350 milliónir krónur, er gjørt liðugt á Karstensens skipasmiðjuni í Skagen og skrokkurin er bygdur í Póllandi.

Varðin hevur lagt dent á trý viðurskifti, nú nýtt skip er bygt.

- Tað fyrsta er at brúka minni olju. Annað er at køla fiskin skjótt niður fyri at betra um góðskuna á fiskinum, og tað triðja er at betra un trygdina umborð, sigur Hardi Hansen, maskinstjóri.