Útnorðurráðið heldur 40. ársfundin í Havn

Útnorðurráðið heldur 40. ársfundin í Havn
Seks tinglimir úr Grønlandi, Føroyum og Íslandi manna ráðið, og harumframt eru politikarar og gestir úr hinum Norðurlondum við á fundinum
Føroysku umboðini á 40. ársfundi Útnorðurráðsins, sum í hesum døgum er í Havn. Vinstrumegin frá: Karlot Hergeirsson, Bárður á Lakjuni, Eyðdis Hartmann Niclasen, Erling Eidesgaard, Jenis av Rana og Henrik Old.
 
28.08.2024 - 11:38

Útnorðurráðið heldur í hesum døgum ársfund í Norðurlandahúsinum í Havn, har fólkavaldu limirnir í ráðnum hittast.

Seks tinglimir úr Grønlandi, Føroyum og Íslandi manna ráðið, og er hetta ársfundur nummar 40 í røðini.

Harumframt eru politikarar og gestir úr hinum Norðurlondum við á fundinum, ið viðger viðurskifti av áhuga fyri londini í útnorðri.

Á ársfundinum, sum varð settur týsdagin, eru evnini sivil tilbúgving í útnorðri og mál í útnorðri í einum talgildum heimi á skránni, umframt onnur viðkomandi evni, so sum altjóða samstarv.

Hósdagin klokkan fimm verður barna- og ungdómsbókmentavirðisløn Útnorðurráðsins handað á almennum tiltaki í Norðurlandahúsinum.

Grønland tekur annars við formanssætinum í formansskapinum fyri komandi árið, og nýggjur formaður verður Doris J. Jensen.

Steinunn Tóra Árnadóttir verður fyrsti næstformaður, og verandi formaður, Jenis av Rana, verður annar næstformaður.


 

Er kopiera
Nýggjastu sendingar í ÚV
Mánadag 14. juli
Poppverturin
194204
Mánadag 14. juli
RagnarRokk: Jean-Ken Johnny um X.V. e.p.
194122
Mánadag 14. juli
Morgunlestur mánadagur 14.juli 2025
194085
Nýggjastu sendingar í SV
Mánadag 14. juli
3-2
194470
Sunnudag 13. juli
Kappróður á fjarðastevnu
194401
Leygardag 12. juli
Video: 10 mannafør á Fjarðastevnu 2025
194390