- Tíðindi, mentan og ítróttur
Útnorðurráðið heldur 40. ársfundin í Havn
![](https://kvf.fo/sites/default/files/styles/grein-ovasta-mynd/public/utnordurradid_2.jpg?itok=d649bxwz)
Útnorðurráðið heldur í hesum døgum ársfund í Norðurlandahúsinum í Havn, har fólkavaldu limirnir í ráðnum hittast.
Seks tinglimir úr Grønlandi, Føroyum og Íslandi manna ráðið, og er hetta ársfundur nummar 40 í røðini.
Harumframt eru politikarar og gestir úr hinum Norðurlondum við á fundinum, ið viðger viðurskifti av áhuga fyri londini í útnorðri.
Á ársfundinum, sum varð settur týsdagin, eru evnini sivil tilbúgving í útnorðri og mál í útnorðri í einum talgildum heimi á skránni, umframt onnur viðkomandi evni, so sum altjóða samstarv.
Hósdagin klokkan fimm verður barna- og ungdómsbókmentavirðisløn Útnorðurráðsins handað á almennum tiltaki í Norðurlandahúsinum.
Grønland tekur annars við formanssætinum í formansskapinum fyri komandi árið, og nýggjur formaður verður Doris J. Jensen.
Steinunn Tóra Árnadóttir verður fyrsti næstformaður, og verandi formaður, Jenis av Rana, verður annar næstformaður.