Dýrari bústaðir, hóast rentan hækkaði

Hóast útlánsrentan hækkaði í 2022 og 2023, eru miðal bústaðarprísirnir í dag hægri enn í 2022, sigur Betri heim. 

Vanliga fella bústaðarprísirnir, tá útlánsrentan hækkar, og fólk hava færri pengar.

Men hóast útlánsrentan er hækkað, kvinka prísirnir framvegis uppeftir. 

Tað bendir á, at eftirspurningurin eftir bústøðum framvegis er munandi størri enn útboðið, sigur Betri heim.

Fyrra hálvár í ár kostaðu eini sethús í Havn í miðal fýra mió. kr.

Tað eru seks prosent meira enn í fjør.

Miðalprísurin fyri eini sethús aðrastaðni í landinum var 2,1 mió. krónur, fimm prosent meira enn í fjør.