Herovasti í Hizbollah latið lív

Sambært heilsumyndugleikum í Libanon hava níggju fólk latið lív og 59 eru særd - átta teirra eru álvarsliga særd.

Tað skrivar bretska kringvarpið.

Ibrahim Aqil, herovasti í Hizbollah, er ein teirra, ið hevur latið lív. Tað boðar talsfólk hjá ísraelsku verjuni frá. Ibrahim Aqil var millum annað limur í Jihad-nevndini, sum er hægsta hernaðarliga eindin í Hizbollah.

Sambært ísraelska talsfólkinum vóru aðrir leiðandi limir í Radwan-elituni í Hizbollah eisini dripnir í luftálopinum.

Ísraelska álopið varð framt nú støðan millum londini er serliga spent og báðir partar hava sent rakettir tvørturum landamarkið. IDF, vil vera við, at herurin hevur oyðilagt fleiri enn 100 skotpallar til rakettir ymsastaðni í syðra partinum av Libanon.

og mikudagin sendi Hizbollah rakettir inn í Ísrael, eftir at kallingartól og farradiotelefonir, sum Hizbollah-rørslan í Libanon átti, sprongdust í luftina. Hizbollah leggur Ísrael undir at hava ábyrgdina fyri spreingingunum.