Fleiri ábendingar um trupulleikar við haldførinum

- Fleiri og týðiligar ábendingar eru um, at trupulleikar eru við langtíðarhaldførinum hjá Húsalánsgrunninum. 

Tað sigur Landsgrannskoðanin í svari til landsstýrismálanevndina, tá ið hon spurdi um haldføri hjá Húsalánsgrunninum í sambandi við embætisførsluna hjá Ingilín D. Strøm, landsstýriskvinnu.

Í svarinum stendur, at sambært stakroyndum hjá Landsgrannskoðanini hevði Húsalánsgrunnurin í flestu førum slakað í kravinum um, at húsaleigan skal rinda langtíðarviðíkahald og grundgjald. 

Í summum førum svaraði húsaleigan bert til fíggjarkostnað og rakk ikki til rakstrarkostnað, stendur í svarinum.

Les svarið frá Landsgrannskoðanini til landsstýrismálanevndina her.

Ingilín D. Strøm

Ingilín D. Strøm, landsstýriskvinna. 

Sagt ósatt

Mánadagin kom niðurstøðan hjá Landsstýrismálanevndini um landsstýriskvinnuna í umhvørvismálum. 

Landsstýrismálanevndin metir, at Ingilín D. Strøm hevur sagt ósatt fyri løgtinginum, og harvið brotið grein 5 í lógini um ábyrgd landsstýrismanna. Tann greinin sigur, at eitt landsstýrisfólk hevur skyldu at siga satt fyri løgtinginum, og skal ikki fjala upplýsingar.

Hoyr innslag í útvarpstíðindunum: