Ongin slingur í víkingavalsinum

Víkingur vísti eingi tekin upp á gummibein, tá teir ljósabláu vunnu tryggan sigur á Skála í kvøld.

Jákup Johansen legði Víking á odda við góðum skallara, tá ein hálvur tími var spældur, og fimm minuttir inn í seinna hálvleik økti Sølvi Vatnhamar við brotssparki.

Tá ein góður tími varð spældur gjørdi Skála sjálvmál, og Víkingur  fór avstað við øllum stiginum.

Munurin millum oddaliðið og KÍ, sum vann á 07 Vestur í gjár, er nú aftur seks stig.

Í næsta umfari kann Víkingur tryggja sær føroyameistaraheitið. Hetta er treytað av, at teir ljósabláu fáa meir stig enn KÍ. 

Víkingur tekur ímóti ÍF í Sarpugerði, meðan KÍ fær vitjan av NSÍ við Djúpumýru.