Framleiðslukostnaðurin hjá alivinnuni lækkar

Miðal framleiðslukostnaðurin hjá alivinnuni er settur at vera 51 krónur og 71 oyru fyri kilo frá 1. oktober til 31. desember í ár. 

Hann var 52 krónur og 37 oyru frá 1. apríl til nú.

Uttanríkis- og Vinnumálaráðið skal almannakunngera framleiðslukostnaðin tvær ferðir um árið.

Frá 1. oktober í fjør til 31. mars í ár 2024 var miðal framleiðslukostnaðurin ásettur at vera 50 krónur og 45 oyru fyri kilo.

Framleiðslukostnaður er rávørur og hjálpartilfar, goymslubroytingar, aðrir uttanhýsis kostnaðir og starvsfólkakostnaður.