- Tíðindi, mentan og ítróttur
Grønland ikki á skránni í Kina
<p>Grønland er ikki á skránni, tá Helle Thorning-Schmidt, forsætisráðharri, kemur á almenna vitjan í Kina í næstu. Tí er Grønland ikki við í ferðalagnum, sigur Kuupik Kleist, landsstýrisformaður, við grønlendska kringvarpið, KNR.</p><div><br></div><div>Á ríkisfundinum í síðstu viku vissaði forsætisráðharrin landsstýrisformannin um, at Grønland er ikki á skránni, tá Helle Thorning-Schmidt mánadagin kemur til Kina á vitjan, sum gestur sum Hu Jintao, forseta. </div><div><br></div><div>- Danska stjórnin og grønlendska landsstýrið hava avtalað, at er Grønland á skránni á altjóða fundum, skulu umboð fyri Grønland eisini vera við, sigur Kuupik Kleist. </div><div><br></div><div><b>Stór misnøgd</b></div><div><br></div><div>Tá kinesiski forsetin var á almennari vitjan í Danmark í summar, varð funnist at, at Grønland ikki varð umboðað. Og nú danski forsætisráðharrin fer til Kina, verður aftur kravt, at grønlendingar eisini verða við í ferðalagnum.</div><div><br></div><div>Bæði fólkatingskvinnan hjá IA, Sara Olsvig, og forkvinnan í andstøðuflokkinum Siumut, Aleqa Hammond, hava kravt, at umboð fyri Grønland eisini verða við fundarborðið, um Helle Thorning-Schmidt fer at viðgera ráevni og trygdina í Arktis. Hetta eru tvey øki, sum Kina fleiri ferðir hevur sýnt áhuga fyri. </div><div><br></div><div>Men Grønland er ikki á skránni, sigur Kuupik Kleist, landsstýrisformaður. </div>
