Forsetin vann seinna valumfar í Moldova

Forsetin í Moldova, Maia Sandu, sum er vesturlendskt sinnað, hevur vunnið seinna og avgerandi umfarið av forsetavalinum.

Sandu hevur, sambært valnevndini í Moldova, fingið 54,7 prosent av atkvøðunum.

Mótstøðumaður hennara, Alexandr Stoianoglohar, fekk 45,3 prosent av atkvøðunum.

Hetta skrivar tíðindastovan AFP .

Tíðindastovan skrivar, at úrslitið er ein stórur lætti hjá vesturlendskt sinnaðu stjórnini, sum stuðlar Sandu og hennara royndum at styrkja vesturlendsku sambondini hjá Moldova, og eisini ætlanini at gerast limur í ES.