Jógvan í Skorini: Eg havi longst eftir hesum

Jógvan í Skorini er komin brakandi inn aftur í lokalpolitikk. 

Fyrrverandi borgarstjórin stillaði ikki upp seinast, men hann hevur longst eftir politikkinum, og líkt er til, at Jógvan í Skorini kann gerast nýggjur borgarstjóri á Eiði, um hann vil, tí hann gjørdist greitt nummar eitt á Eiði.

 - Eg vil ikki siga, at eg roknaði við tí. Eg vónaði sjálvandi, at vit fóru at fáa eitt gott val, og persónliga valið hjá mær var munandi betri, enn eg roknaði við, sigur Jógvan í Skorini.

 - Eg havi longst eftir tí, eg tímdi tað væl og eg haldi, tað gekk væl, og vit vóru ein sjónlig kommuna. TAð vilja vit vera aftur, sigur Jógvan í Skorini.