Odmar Færø: Ljótasti sigurin nakrantíð

Odmar Færø stóð sum ein brandur saman við hinum í føroysku verjuni í tepra Nations League-sigrinum á Armenia.

Hetta var føroyski mátin, segði venjarin, Eyðun Klakstein, og Odmar Færø var ikki ósamdur.

 - Hetta er kanska tann ljótasti sigurin nakrantíð, segði miðverjin.

Tað hevði minni at siga, helt hann kortini, tá sigurin og tey trý stigini høvdu so nógv at siga.

 - Ja, teir hava onkrar kjansir, men sum oftast var tað onkur, sum kastaði seg fyri og stríddist fyri síðumannin og fyri Føroyar, segði Odmar Færø.

Viljomur Davidsen skeyt føroyska málið við brotssparki fyri steðgin, og í seinna hálvleiki vardi liðið sigurin í hús, hóast trýstið var stórt.