Menniskjað, ikki vitlíki

Tað eru amerikanski forsetin Joe Biden og kinesiski forsetin Xi Jinping vorðnir samdir um. Biden og Xi hittust í gjár á toppfundi í Lima í Peru í búskaparliga samstarvsfelagsskapinum fyri londini í Kyrrahavi og Asia, - APEC.

- Leiðararnir løgdu dent á, at tað er neyðugt, at menniskjað varðveitir tamarhaldið á avgerðum um at brúka kjarnorkuvápn, stendur í fráboðan frá Hvítu húsunum í gjár.

- Teir báðir leiðararnir viðgjørdu eisini, hvussu týdningarmikið tað er at meta neyvt um møguligan vanda og at menna vitlíkis-tøkni á hernaðarøkinum við varðsemi og ábyrgd, skriva Hvítu húsini.