Tað verður eingin havnarútbygging við Skansan

Havnarútbyggingin norðureftir fram við Skansanum verður av ongum.

Tað staðfestir Elsa Berg, komandi borgarstjóri í Tórshavnar kommunu.

Metingar siga, at ein útbygging av havnini norðureftir fer at kosta í minsta lagi 300 milliónir krónur, og fíggjarligt grundarlag er ikki fyri eini slíkari íløgu sum nú er, sigur Elsa Berg.

Hon mælir í staðin til, at kommunurnar kring landið samstarva meir um havnaøkini og tað virksemið, sum er har.

Heðin Mortensen, borgarstjóri í Tórshavnar kommunu, vísir á, at kommunan ikki hevur tørv á meira kaikanti, men at tað er tørvur á størri upplandi - við øðrum orðum, at tað framvegis er brúk fyri meira plássi til tær fyritøkur, sum hava sítt virksemi á kaiøkinum.