Løgmálaráðið hevur ikki heimild at ógilda eitt kommunuval

Har vóru eingir atkvøðuseðlar í Skúgvi, valdagin 12. november. Harvið lýkur kommunuvalið ikki ásetingarnar í grein 9 í kommunuvallógini, sum sigur at atkvøðuseðlar skulu vera í valhølinum, og hvussu hesir skulu síggja út.

Men valúrslitið í Skúgvi verður standandi og verður ikki ógildað, sjálvt um løgmálaráðið í svari til Skúvoyar kommunu um dagarnar staðfestir, at alt er ikki farið rætt fram.

Tað sigur aðalstjórin í ráðnum, Nella Festirstein- 

Sambært Nellu Festirstein, so hevði løgmálaráðið fyrst ta fatan, at talan var um eina kæru, og tí fór aðalráðið inn í málið. 

Men uttan nakra formliga kæru, so er einki mál, staðfestir aðalstjórin. 

"Løgmálaráðið hevur ikki lógarheimild til at ógilda eitt kommunuval, sjálvt um tað er staðfest, at kommunuvallógin ikki er hildin, tí ein ítøkilig kæra skal vera í málinum," staðfestir Nella Festirstein, aðalstjóri í Løgmálaráðnum.