Havstovan: Framvegis tørvur á at skerja fiskidagarnar

Fiskidagarnir hjá øllum skipabólkum eiga at verða skerdir við 10 prosentum næsta ár. 

Tað sigur Havstovan í tilmælinum um fiskiskap eftir toski, hýsu og upsa fyri 2025.

Eydna í Homrum er deildarleiðari á Havstovuni, og hon sigur, at støðan hjá eitt nú toskinum á føroyska landgrunninum er framvegis so ring, at tilmælið enn einaferð er at skerja fiskidagarnar, hóast støðan tykist batna

Aftrat tilmælinum um landgrunnin, so mælir Havstovan til, at fiskidagatalið á Føroyabanka verður 150 dagar. Og tað er fyri stór og smá fiskiførum. Hetta er sama fiskidagatal, sum var í tilmælinum fyri 2024.