FNU: Fólk og felagsskapir eiga at fáa lógarfestan rætt til at verða hoyrd

Mikudagin vórðu 1.224 undirskriftir handaðar løgmanni, har fólk mótmæla núverandi linjuføringar til Suðuroyartunnilin, sum ganga ígjøgnum Sandsbygd.

Sandoyingar vilja, at so nógv sum møguligt verður gjørt fyri at leggja linjuføringina uttan fyri bygt øki, og tey kenna seg ikki vera hoyrd í hesum máli.

Á borgarafundi á Sandi mánakvøldið vóru tey ørkymlaði, hví ein politisk semja er gjørd um størstu verkætlanina í Føroyum nakrantíð, uttan at árinsmetingar eru gjørdar, uttan at møguligar friðingar hava verið umrøddar og uttan at tað hevur verið tosað við kommurnar á Sandi ella í Húsavík.

Tá løgmaður fekk undirskriftirnar handaðar mikudagin, dugdi hann ikki at siga, hví Sands kommuna ikki hevur verið hoyrd í málinum.

Sandingar mótmæla vegaføring, linjuføring, Aksel V. Johannesen, Eir Pálsdóttir

Frítekst tagging: 

Sandingar mótmæla vegaføring

Linjuføring

Aksel V. Johannesen

Eir Pálsdóttir

Bjarni Árting Rubeksen

Mynd: Bjarni Árting Rubeksen

FNU kennir trupulleikan aftur

Jón Kragesteen frá Føroya Náttúru- og Umhvørvisfelag dugir væl at skilja, hví sandingar eru ørkymlaði og kenna seg ikki hoyrd í hesum máli.

Tað er ein afturvendandi trupulleiki, at einstaklingar og felagsskapir ikki verða hoyrd.

FNU sóknast eftir, at sonvndi "Århussáttmálin" verður settur í gildi í Føroyum. Sáttmálin snýr seg um, at einstaklingar og felagsskapir skulu hava rætt til innlit, hoyringar og viðmerkingar, tá ið talan er um umhvørvisspurningar. 

Jón Kragesteen heldur, at hetta er ein afturvendandi trupulleiki, tí í tilgongdini at fyrireika Eysturoyartunnilin, so sluppu tey, sum ikki áttu lendi, ikki til orðanna.