Kristrún forsætisráðfrú í Íslandi

Floksleiðarin í íslendska javnaðarflokkinum, Kristrún Frostadóttir, verður nýggjur forsætisráðfrú Íslands, skrivar RUV.

Forseti Íslands, Halla Tómasdóttir, skipaði nýggju stjórnina í dag eftir altingsvalið, sum var í november.

Í nýggju íslendsku stjórnini verða Samfylkingin, Flokkur Fólksins og Viðreisn. Stjórnin ætlar at raðfesta búskapin í landinum við millum annað at minka um umsitingina.

Hon vil eisini hava fólkaatkvøðu um, hvørt landið skal halda fram við samráðingunum um ES-limaskap. Atkvøðugreiðslan skal fara fram í seinasta lagi í 2027.