Semja skal finnast áðrenn juni

Enn eru politisku flokkarnir bara samdir um, at ríkisrættarliga støðan skal broytast. Ikki hvussu tað skal gerast. Innleiðandi fundur var í Tinganesi seinnapartin.

Sum løgmaður og samgonguleiðari hevur Aksel V. Johannesen tikið á seg leiklutin at finna ta breiðu semjuna, sum føroyingar ynskja, og sum kann leggjast fyri donsku stjórnina. Málið hjá løgmanni er at finna eina semju áðrenn ríkisfundin, sum verður í Føroyum í juni.