Skulu goyma CO2 í undirgrundini

Skulu goyma CO2 í undirgrundini
DecarbFaroe er ein verkætlan, sum skal hjálpa til at røkka málinum um null-útlát av CO2.
 
26.01.2025 - 19:44

Føroyar eru partur av einari verkætlan, sum eitur DecarbFaroe, sum skal hjálpa til fyri at røkka málinum um null-útlát av CO2. Tað skal gerast við at gera eina CO2-goymslu, har CO2 verður blandað við vatn og síðan goymt í undirgrundini í Føroyum.

Talan er um eina royndarverkætlan, sum millum annað verður stuðlað av ES, og kemur stuðulin undir land, skulu nógvar kanningar gerast, áðrenn farið verður undir at goyma CO2 í føroysku undirgrundini.

Tá CO2 verður goymt í basalti, reagerar tað við grótið í undirgrundini og blívur til tirnur. Tí verður hetta mett at vera ein máti at kanna goyma CO2 uppá, so tað ikki fer út í atmosferuna.

Tað eru 21 samstarvsfelagar, sum hava søkt um stuðul frá ES til hesa roynarverkætlanina. Talan er um lond í Evropa, USA og India, og úr Føroyum eru tað Jarðfeingi, SEV og Bakkafrost, sum eru uppi í. 

Tað ber í løtuni ikki til at siga, hvat royndarverkætlanin fer at kosta, men talan er um nakrar milliónir krónur, sum verða fíggjaðar við 60 prosentum í stuðli frá ES og 40 prosentum sum eginfígging. 

Katrin Johannesen tosaði við Rakul Mariu Johannesen, PhD-lesandi á Jarðfeingi, sum er partur av royndarverkætlanini.

 

Lurta eftir innslagnum, sum var í tíðindunum á nátturða í kvøld.

1722424 (Av tekniskum ávum ber ikki til at leggja innslagið út í løtuni. Vit royna aftur seinni)

Er kopiera
Nýggjastu sendingar í ÚV
Leygardag 3. mai
Plátupanelið #029 (Endaløg)
191384
Leygardag 3. mai
Vikan 3. mai 2025
191375
Leygardag 3. mai
Morgunlestur leygardagur 3.mai 2025
191019
Nýggjastu sendingar í SV
Fríggjadag 2. mai
Veðrið
191347
Fríggjadag 2. mai
KAKUMiKS (5:7)
191336
Hósdag 1. mai
Grønir fingrar (1:3)
191286
Mikudag 30. apríl
Dagur og vika - teknmálstulkað
191210
Týsdag 29. apríl
Veðrið
191187