Arbeiðsloysið minni enn eitt prosent

Arbeiðsloysið var 0,9 prosent í desember í fjør, tað sama sum í desember 2023.

Arbeiðsloysið hjá monnum vaks eitt vet, men tað minkaði hjá kvinnum, sigur Hagstovan.

Men tølini eru lítil.

Størsta arbeiðsloysið í fjør var í februar, mars, juni og juli, tá tað var 1,2 prosent.

Tá arbeiðsloysið var minst í fjør, var tað 0,9 prosent.

Í desember í fjør vóru 285 fulltíðararbeiðsleys, og tað vóru 13 fleiri enn sama tíðarskeið í 2023.

Hagstovan skrivar, at í fjør var arbeiðsloysið størst í aldursbólkinum 25 til 34 ár.

Í desember var arbeiðsloysið minst í Sandoyar øki, 0,5 prosent. Størsta arbeiðsloysið i desember var í Suðustreymoyar øki,1,2 prosent.