Gamli Hvítanes á veg til Føroya

Trolarin, sum Thor í Hósvík hevur keypt úr Kanada, er nú á veg til Føroya, skrivar jn.fo.

Inuksuk 1, sum trolarin eitur í løtuni, verður í Føroyum tíðliga í næstu viku.

Inuksuk I skal fiska rækjukvotuna hjá Kappanum, sum reiðaríið í Hósvík framvegis eigur. 

Kappin, trolari

Kappin.

Hóast Inuksuk I verður keyptur úr Kanada, so er skipið tó væl kent í Føroyum.

Skrokkurin var smíðaður í Nakskov, men skipið var gjørt liðugt á Skála Skipasmiðju í 1987, og fekk navnið Hvítanes. 

Seks ár seinni, í 1993, var Hvítanes selt av landinum, men nú góð 30 ár seinni kemur tað aftur undir føroyskt flagg.