Tingfólk: Skeivt at Posta kappast við smáar fyritøkur

Tað er skeivt, at almenna partafelagið Posta kappast við smáar fyritøkur.

Tað vóru limir í vinnunevnd løgtingsins á einum máli um í Breddanum fyrrapartin. 

Annika Olsen í Tjóðveldi segði, at tað er andsøgn millum vinnupolitikkin hjá sam gonguni og søgurnar, sum hava verið frammi, um at Posta kappast við smáar fyritøkur.

Uni Holm Johannesen í Javnaðarflokkinum vísti á, at neyðugt er spyrja, hvat skal gerast við kjarnutænastuna hjá Posta. 

Breddi um Posta

Limir í vinnunevndini kjakaðust í Breddanum fyrrapartin um framtíðina hjá Posta.

Erhard Joensen, tingmaður fyri Sambandsflokkin og formaður í vinnunevndini, segði, at Posta hevur ikki annan møguleika enn at kappast, tí felagið hevur halll av postskylduni.

Tì eigur felagið at fáa pening á fíggjarlógini til kjarnuvirksemið, segði Erhard Joensen.

Jørgen Niclasen í Fólkaflokkinum mælti frá, at Posta kemur á fíggjarlógina. Hann segði, at málið um Posta er avleiðing av skeivum vinnupolitikki.

Hoyr innslag í útvarpstíðindunum: 

Allur Breddin kann hoyrast her.