Bíða eftir líkindum at fáa Polarstjørnuna á sjógv

Polarstjørnan hevur staðið á bedingini hjá Klaksvíkar Sleipistøð síðan 19. desember, tá hon koppaði. 

Í síðstu viku eydnaðist at fáa Polarstjørnuna á rættkjøl, og nú verður bíðað eftir betri veðri, so hon kann fara á sjógv aftur.

Ætlanin er at sigla Polarstjørnuna til Havnar í hesi vikuni og taka hana upp á beding hjá MEST. 

Og so ganga væntandi 3-4 vikur afturat, áðrenn skipið kann fara aftur til fiskiskap, sigur Hanus Hansen, stjóri í JFK, sum eigur Polarstjørnuna.