Hvítanes farin at fiska rækjur

Trolarin Hvítanes hevur fingið fiskiloyvi.

Hann sleppur at fiska rækjur við Svalbard og hevur 112 fiskidagar.

Hvítanes fór av Havnini beint fyri klokkan átta týskvøldið.

Thor Fisheries keypti Inuksuk I úr Kanada og gav honum navnið Hvítanes, sum var fyrsta navnið hjá trolaranum.

Hann kostaði 3,6 mió. evrur, sum svara til slakar 26,85 mió. kr. í okkara pengum.

Hvítanes var bygdur i 1987.

Skrokkurin var bygdur í Nakskov, men skipið var gjørt liðugt á Skála skipasmiðju.

Hvítanes er skrásettur í Hoyvík, har reiðaríið er.