Nærum helvtin gavst við lestrinum á Setrinum

Umleið annar hvør lesandi, sum fór undir bachelor-útbúgving á Fróðskaparsetrinum í árunum 2010 til 2020, bleiv ongantíð liðugur við útbúgvingina.

Tað vísa hagtøl hjá Setrinum, sum Kringvarpið hevur fingið innlit í. 

2.400 lesandi fóru undir bachelorlestur hesi árini á Setrinum. 1.277 av teimum hava fingið prógv.

Tað eru 53 prosent. 47 prosent góvust.

Um útbúgvingarnar í gamla læraraskúlanum - fólkaskúlalærari og námsfrøðingur - ikki verða taldar við, vóru tað bara  41 prosent av teimum, sum fóru undir lestur hesi árini, sum tóku prógv.

Tað vil siga, at seks av 10 blivu ikki liðug. 

Martin T. Zachariasen, rektari á Setrinum, segði í Breddanum fyrrapartin, at talið er í lægra lagi, men kortini er støðan ikki so galin:

Rektarin vísir eisini á, at fráfallið vísir ikki, um lesandi taka lesturin upp aftur seinni:

Allur Breddin kann hoyrast her.