28 milliónir aftrat at gera Dalstunnilin lidnan

Ruth Vang, landsstýriskvinna í fíggjarmálum, hevur lagt uppskot fyri tingið um eykajáttan. 

Uppskotið vísir 24,5 mió. kr. í halli. 

Millum annað verður biðið um 28 milliónir krónur aftrat til at gera Dalstunnilin lidnan og níggju milliónir til Húsarhaldsskúlan í Klaksvík.

Biðið verður eisini um 33 milliónir krónur til Smyril Line.

Biðið verður eisini um níggju milliónir í láni til Firum.

25 milliónir verða ikki brúktar

25 milliónir, sum eru játtaðar til ein bústað hjá Almannaverkinum í Miðvági, verða ikki brúktar.

Í viðmerkingunum stendur, at verkætlanin er broytt. Heldur enn at byggja eitt sambýli í trimum eindum, er ætlanin nú at keypa og dagføra eina ogn, sum stendur á grundøki, ið hevur mark til grundøkið, ið verður keypt til at byggja sambýlið á.

Byggiskráin verður tillagað og byggingin verður framd í stigum. Íalt verður talan um áleið sama tal av búplássum, og hildið verður fast um upprunaligu ætlaninaum at byggja til verandi tilboð á oynni.