- Tíðindi, mentan og ítróttur
Eykarokningin endar hjá ferðavinnuveitaranum
Eykarokningin endar hjá ferðavinnuveitaranum
Tað er komið dátt við hjá ferðavinnuveitarum, at Strandferðslan hevur kunngjørt nýggjar ferðaseðlaprísir, sum longu koma í gildi týsdagin
Ferðafólk, sum ætla sær til Føroya í summar, hava longu goldið fyri sínar ferðir. Tí endar eykarokningin fyri hækkingina av ferðaseðlaprísum við Strandferðsluni hjá ferðavinnuveitaranum.
Mynd: Bjarni Árting Rubeksen
04.04.2025 - 18:00
- Tað ber ikki til at krevja av ferðafólkum, sum longu hava goldið fyri sínar ferðir í summar, at tey eisini skulu gjalda eykakostnaðin av ferðaseðlaprísum. Tann rokningin endar tí hjá veitaranum.
Tað sigur Oda Wilhelmsdóttir Andreasen, sum er ferðavinnuveitari í Mykinesi.
Oda Wilhelmsdóttir Andreasen.
Tað kom dátt við hjá ferðavinnuveitarum, at Strandferðslan mánakvøldið kunngjørdi nýggjar ferðaseðlaprísir at koma í gildi longu eina viku seinni, tað er týsdagin í næstu viku.
Eitt er hækkingin í ferðaseðlaprísum, men enn ber heldur ikki til at keypa ferðaseðlar út í Mykines í summar gjøgnum bíleggingarskipanina hjá Strandferðsluni, sigur Oda Wilhelmsdóttir Andreasen.
Hoyr innslag í útvarpstíðindunum:
04042025_Ferdavinna_og_prisir
Er kopiera
Nýggjastu sendingar í ÚV
Nýggjastu sendingar í SV
