Landsliðsspælari hevur verið undir skurð

Meinhard Egilsson Olsen er ivasamur til landsdystirnar í juni móti Georgia og Gibraltar

Meinhard E. Olsen í dysti móti Montenegro á útivølli í 2025

Mynd: Hans Erik Danielsen/FSF

24.04.2025 - 13:26

Føroyski landsliðsspælarin í fótbólti, Meinhard Egilsson Olsen, er ivasamur til manslandsdystirnar í summar. Hann hevur verið undir skurð í vikuni og spælir ikki aftur fyri Kolding IF í hesum kappingarárinum.

- Eg sleit senuna í ringfingrinum. Læknarnar søgdu, at eg skuldi undir skurð innan tríggjar vikur eftir skaðan, um eg skuldi fáa allar førleikarnar í fingurin aftur. Tað gekk væl og læknarnar vænta, at eg fái allar førleikarnar aftur, men tað er ivasamt við landsliðnum, sigur Meinhard E. Olsen.

skaermbillede_2025-04-24_kl._13.27.43.png

Caption:

Meinhard E. Olsen hevur verið undir skurð

Meinhard E. Olsen hevði ein álvarsligan knæskaða í 2023, men hevur síðani 2024 verið aftur á landsliðnum. Hann var eisini verið seinast, tá Føroyar taptu móti Kekkia og Montenegro. Hann skifti í vetur til danska Kolding IF. Hann hevur spælt níggju dystir síðani skifti. Kolding vann seg í uyppflytingarspælið, men hevur havt trupult við at bjóða um uppflyting.

Føroyar spæla 5. juni venjingardyst móti Georgia í Tblisi, og fýra dagar seinni móti Gibraltar á Tórsvølli. Landsliðið verður úttikið á tíðindafundi í Fótbóltssambandinum 26. mai.