Heit politisk vika

Heit politisk vika
Stóru málini í hesi tingsetuni eru enn í nevnd. Tingið skal í summarfrí fríggjadagin
Nógv stórmál hjá landsstýrinum eru enn í nevnd.
Mynd: Bjarni Árting Rubeksen  
 
28.04.2025 - 06:44

Hetta verður ein heit politisk vika.

Løgtingið skal, sambært verandi ætlan, fara í summarfrí fríggjadagin.

Men enn eru stóru málini í hesi tingsetuni í nevnd.

Og haðani skulu tey koma í dag, skulu tíðarfreistirnar halda.

Koma álitini í dag, vera onnur viðgerð mikudagin og triðja viðgerð fríggjadagin.

Málini eru pensjónsaldurin, landbúnaðurin, fólkaskúlin, Suðuroyratunnilin, sjófeingi og heilsutrygdargjaldið.

Leingi í nevnd

Øll málini hava verið meira enn ein mánað í nevnd.

Málið um endurgjald fyri heilsutrygdargjald hevur verið í Trivnaðarnevndini síðani 26. februar.

Dagsskráin fyri tingfundin í dag er drúgv.

16 mál eru á skránni, átta triðju viðgerðir og sjey aðru viðgerðir.
 
Tingfólk skulu eisini tosa um skrivligan fyrispurning og svar um nýskipanir og bygnaðarbroytingar í tí almenna.

Tingfundurin í dag er kl.10.00.
 

Er kopiera
Nýggjastu sendingar í ÚV
Mikudag 23. juli
Morgunlestur mikudagur 23. juli 2025
194846
Týsdag 22. juli
Morgunlestur týsdagur 22. juli 2025
194833
Mánadag 21. juli
Poppverturin
194207
Nýggjastu sendingar í SV
Mikudag 23. juli
194845 - teknmálstulkað
194872
Mikudag 23. juli
194550 - teknmálstulkað
194868
Týsdag 22. juli
Veðrið
194844