Prísvøkstur dýrkar virksemið í nýggjum búfelagsskapi á Toftum

Í farnu viku samtykti løgtingið eina eykahjáttan til Almannaverkið á 1,5 milliónir krónur, so at farast kundi undir virksemi í nýggja búfelagsskapinum á Toftum.

"Orsøkin er prísvøkstur," sigur Eirikur í Jákupsstovu, landsstýrismaður í almannamálum.

Bygningurin á Toftum er um at vera liðugur, og verður avhendaður Almannaverkinum 1. august.

Búfólkini kunnu eftir ætlan byrja at flyta inn í september.

Talan er um 18 íbúðir til fólk við sálarsjúku og autismu, umframt felagshølir, sum Bústaðir útvegar Almannaverkinum. 

Ískoyti til leigu

Landsstýrismaðurin vísir aftur, at orsøkin til, at eykajáttan er neyðug er, at byggingin ikki hevur gingið, sum hon skuldi.

Ein partur av eykajáttanini skal brúkast til eitt ískoyti til leiguna.

Og ein annar partur skal brúkast til starvsfólk, sum skulu vera til taks hjá búfólkunum