Flogbóltur: Hvessa spælið til Silver League

Føroyska flogbóltslandsliðið við kvinnum spældi um vikuskiftið tríggjar venjingardystir ímóti Íslandi, sum liður í fyrireikingunum til Silver League-kappingini, sum byrjar síðst í mai.

Føroyar taptu allar tríggjar dystirnar: 3-1 fríggjadagin og 4-0 leygardagin og sunnudagin, men dystirnir góvu føroyska hópinum, undir leiðslu av nýggja venjaranum Ciro Zoratti, týðandi dystarroyndir.

Í januar sett flogbóltssambandið italiumannin sum ungdóms- og landsliðsvenjara.

40 ára gamli venjarin er farin undir eitt miðvíst arbeiði við A-landsliðsleikarunum hjá kvinnum, sum hava vant nógv saman seinastu tíðina. 

Føroysku flogbóltsmenninir hava eisini spælt venjingardystir um vikuskiftið. Í Íslandi vunnu teir ein dyst og taptu ein ímóti Íslandi, meðan teir taptu tveir ímóti Onglandi.