Hava útflutt fyri 12,5 milliardir seinasta árið

Føroyar útfluttu fyri 12,5 milliardir krónur frá apríl í fjør til mars í ár.

Tað er nakað tað sama sum frá apríl í 2023 til mars í fjør.

Serliga makrelur sæst aftur í útflutningstølunum.

Tann útflutningurin er vaksin 641 milliónir krónur. Virðið er nógv vaksið, 68,2 prosent.

Nøgdin er bara vaksin níggju prosent.

Útflutningurin av laksi er minkaður 44,4 milliónir.

Virðið stendur so at siga í stað, men nøgdin er vaksin góð 13 prosent, skrivar Hagstovan.

Útflutningurin til Russlands vaks 200 milliónir krónur frá apríl í fjør til mars í ár.

Fimm lond keypa vørur fyri yvir eina milliard krónur um árið úr Føroyum. Tey eru USA, Russland, Danmark, Bretland og Spania.